MNS Morcha Pune:मनसेच्या मूक मोर्चाला सुरुवात!, विद्यार्थ्यांच्या प्रश्नांसाठी जाणार थेट विद्यापीठात

पुणे शहरातील विद्यार्थ्यांच्या विविध प्रश्नांसाठी मनसे विद्यार्थी सेनेचे अध्यक्ष अमित ठाकरे यांच्या नेतृत्त्वाखाली सेनापती बापट रोड ते सावित्रीबाई फुले पुणे विद्यापीठावर मूक मोर्चाला सुरुवात झाली आहे. या मोर्चामध्ये शहरातील विविध भागातील विद्यार्थी आणि मनसैनिक हजारोंच्या संख्येने सहभागी झाले आहेत. या मोर्चामध्ये मनसेचे नेते माजी आमदार बाळा नांदगावकर,मनसे नेते राजेंद्र वागस्कर,पुणे मनसे शहराध्यक्ष साईनाथ बाबर, म.न.वि. से. राज्य सरचिटणीस आणि प्रवक्ते गजानन काळे, मनसेचे नेते वसंत मोरे यांच्यासह विद्यार्थी आणि मनसैनिक हजारोंच्या संख्येने सहभागी झाले आहेत.