Prakash Ambdekar: “मी काही गोष्टी बोलू शकत नाही, पण…”, ‘मविआ’च्या नेत्यांबद्दल आंबेडकरांची नाराजी?

लोकसभा निवडणुकीच्या रणधुमाळीला सुरुवात झाली असून निवडणुकीचं बिगुल वाजलंय. महाराष्ट्रात वंचित बहुजन आघाडीची महाविकास आघाडीबरोबर युती होणार का यावर चर्चा सुरू होत्या. दरम्यान, यावर आज (२६ मार्च) प्रकाश आंबेडकरांनी व्हिडिओच्या माध्यमातून प्रतिक्रिया दिली आहे. “माझ्या आजोबांनी चालवलेली चळवळ ही लाचारीच्या विरोधात होती. युतीमध्ये अडचण येईल असं काही आम्ही केलं नाही. पण जिथे चळवळीलाच लाचार केले जातं ते आम्ही कदापि मान्य करणार नाही. अनेक ठिकाणी आपण जिंकलो अशी परिस्थिती असून आम्हाला आपल्या सर्वांकडून पाठिंबा आहे असं मी गृहित धरतो” असं प्रकाश आंबेडकर म्हणाले आहेत.