शंकर जगतापांसाठी देवेंद्र फडणवीसांची सभा; चर्चा आमदार अश्विनी जगताप यांच्या ‘त्या’ विधानाची!

Maharashtra Assembly Elections Devendra Fadnavis Rally: पिंपरी- चिंचवडचे उमेदवार शंकर जगताप यांच्या प्रचारार्थ काळेवाडीत उपमुख्यमंत्री देवेंद्र फडणवीस यांची जाहीर सभा घेण्यात आली. त्यावेळी आमदार अश्विनी जगताप बोलत होत्या.दिवंगत लक्ष्मण जगताप यांच्या अकाली निधनानंतर माझ्यावर भाजपने विश्वास ठेवून मला उमेदवारी दिली. महायुतीच्या प्रत्येक कार्यकर्त्यांने आणि लक्ष्मण जगताप यांच्यावर प्रेम करणाऱ्या जनतेने मला विजय केलं. आज जरी माझा वाघ (लक्ष्मण जगताप) गेला असला तरीही वाघीण जिवंत आहे. तोपर्यंत मी माझ्या पिलांना एकटं सोडणार नाही. असं विधान विद्यमान आमदार अश्विनी जगताप यांनी केल आहे.