बीजिंगमध्ये संयुक्त राष्ट्रांच्या बैठकीत बुधवारी चीनच्या भूमिकेला विरोध करताना काहीतरी घडले ज्याने सर्वांना आश्चर्यचकित केले. चीनच्या 'बेल्ट अँड रोड इनिशिएटिव्ह' (BRI) आणि त्याच्या महत्वाकांक्षी प्रकल्पा CPEC ला कडाडून विरोध करताना भारतीय राजनैतिक अधिकाऱ्याचा अचानक माइक बंद झाला. या वादग्रस्त प्रकल्पांवर भारताच्या आक्षेपाबद्दल भारतीय राजनैतिक अधिकारी बोलत होत्या. भारतीय राजनैतिक अधिकाऱ्याच्या भाषणादरम्यान माईकमध्ये अचानक झालेला गोंधळ संशयाच्या फेऱ्यात आला आहे. कारण चीनने स्वतः या बैठकीचे आयोजन केले होते. सभेच्या मध्येच, माईक बंद पडल्याने गोंधळाची परिस्थिती निर्माण झाली आणि ती समस्या सोडवण्यासाठी करण्यासाठी काही मिनिटे लागली. यानंतर पुढच्या वक्त्याचे भाषण व्हिडिओ स्क्रीनवर सुरू झाले होते. पण यूएनचे अंडर-सेक्रेटरी-जनरल लियू झेंमिन, चीनचे माजी उप-परराष्ट्र मंत्री यांनी ते थांबवले. झेनमिन यांनी भारतीय अधिकारी आणि येथील भारतीय दूतावासातील द्वितीय सचिव प्रियांका सोहनी यांना त्यांचे भाषण चालू ठेवण्याचा आग्रह केला. कॉन्फरन्स रूममध्ये माईक प्रणाली पुन्हा सुरु केल्यानंतर, झेंमिन म्हणाले, “आम्ही दिलगीर आहोत. आम्हाला काही तांत्रिक अडचणी येत होत्या आणि पुढील स्पीकरचा व्हिडिओ सुरू केला. यासाठी मी दिलगीर आहे आणि सोहनीला आपले भाषण पुन्हा सुरू करण्यास सांगितले. तुम्ही भाग्यवान आहात. तुमचे पुन्हा स्वागत आहे.” त्यानंतर भारतीय अधिकाऱ्याने कोणत्याही व्यत्ययाशिवाय आपले भाषण चालू ठेवले. "आम्ही आंतरराष्ट्रीय समुदायाची कनेक्टिव्हिटी वाढवण्याची आकांक्षा सामायिक करतो आणि आमचा विश्वास आहे की यामुळे सर्वांना समान आणि समतोल पद्धतीने व्यापक आर्थिक लाभ मिळतील. बीआरआयचा काही उल्लेख या परिषदेत करण्यात आला आहे. येथे मी असे सांगू इच्छितो की चीनच्या बीआरआयने आम्हाला असमानतेने प्रभावित केले गेले आहे. तथाकथित चीन पाकिस्तान आर्थिक कॉरिडॉर (CPEC) मध्ये त्याचा समावेश भारताच्या सार्वभौमत्वाचे उल्लंघन ठरतो, असे प्रियांका सोहनी यांनी म्हटले. बीआरआयचा उद्देश चीनचा प्रभाव वाढवणे आणि दक्षिण -पूर्व आशिया, मध्य आशिया, आखाती प्रदेश, आफ्रिका आणि युरोपला जमीन आणि समुद्री मार्गांच्या नेटवर्कद्वारे जोडणे आहे. "कोणताही देश सार्वभौमत्व आणि प्रादेशिक अखंडतेच्या मुख्य चिंतांकडे दुर्लक्ष करणाऱ्या उपक्रमाचे समर्थन करू शकत नाही," असे सोहनी म्हणाल्या. सोहनीच्या आधी, एका पाकिस्तानी अधिकाऱ्याने बीआरआय आणि सीपीईसीचे कौतुक केले आणि त्याला या क्षेत्रासाठी महत्त्वपूर्ण म्हटले. त्याचवेळी, भारतीय अधिकाऱ्याच्या भाषणानंतर, चीनचे परिवहन मंत्री ली झिओपेंग, सोहनी यांनी केलेल्या टीकेला उत्तर देताना म्हणाले, “भारतीय प्रतिनिधी बोलत असताना तांत्रिक बिघाडाबद्दल मला माफी मागायला आवडेल.”
