जम्मू-काश्मीरः पुलवामामध्ये आयईडी स्फोटात दोन जवान शहीद

सोमवारी, लष्कराचे बुलेट आणि माईन प्रुफ वाहन ४४ राष्ट्रीय रायफलला दहशतवाद्यांनी टार्गेट केले होते. यामध्ये ९ जवान जखमी झाले होते. दरम्यान, उपचारांदरम्यान गंभीररित्या जखमी झालेले दोन जवान आज शहीद झाले. त्याचबरोबर २ स्थानिक नागरिकही या हल्ल्यात जखमी झाले होते. दहशतवाद्यांनी वाहनांत भरुन आणलेल्या आईडीचा स्फोट घडवून आणला होता.

दरम्यान, १४ फेब्रुवारी रोजी अशाच प्रकारे जम्मू-श्रीनगर राष्ट्रीय महामार्गावरुन जाणाऱ्या सीआरपीएफच्या ताफ्यावर जैश-ए-मोहम्मद या दहशतवादी संघटनेने आत्मघाती आईडी स्फोट घडवून आणला होता. यामध्ये ४० जवान शहीद झाले होते.