ऑस्ट्रेलियाचा माजी क्रिकेटपटू मॅथ्यू हेडन जखमी

ऑस्ट्रेलियाचा माजी क्रिकेटपटू मॅथ्यू हेडन एका छोट्या अपघातात जखमी झालेला आहे. आपल्या मित्रांसोबत एका छोट्याश्या बेटावर फिरण्यासाठी गेलेला असताना, आपला मुलाग जोश हेडनशी खेळत असताना हेडनचा तोल गेला आणि तो डोक्यावर पडला. या अपघातात त्याला छोटीशी दुखापत झाली आहे, मात्र सोशल मीडियावरुन आपली तब्येत व्यवस्थित असल्याचं हेडनने आपल्या चाहत्यांना सांगितलं आहे. वैद्यकीय तपासणीत हेडनला फ्रॅक्चर झाल्याचं समजतं आहे, मात्र ही दुखापत फारशी गंभीर नसल्याने तो यामधून लवकर बरा होईल असं मत डॉक्टरांनी व्यक्त केलं आहे.