रेडमीच्या ‘नोट-9’ सीरिजमधील Redmi Note 9 हा स्मार्टफोन आज (दि.3) हा फोन फ्लॅश-सेलमध्ये खरेदी करण्याची संधी आहे.  ‘नोट-9’ सीरिजमधील Redmi Note 9 हा कंपनीचा तिसरा स्मार्टफोन असून दुपारी 12 वाजेपासून Redmi Note 9 च्या विक्रीसाठी अ‍ॅमेझॉन इंडिया आणि Mi.com च्या वेबसाइटवर सेलला सुरूवात झाली आहे.  ‘नोट-9’ सीरिजमधील Redmi Note 9 Pro आणि Redmi Note 9 Pro Max हे दोन स्मार्टफोन कंपनीने यापूर्वीच भारतीय बाजारात आणले होते. आधीच्या दोन्ही स्मार्टफोनच्या किंमतीच्या तुलनेत Redmi Note 9 हा स्मार्टफोन स्वस्त आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

ऑफर :-
अ‍ॅमेझॉनच्या सेलमध्ये Redmi Note 9  च्या खरेदीवर काही ऑफरही आहेत. ऑफरनुसार, HSBC कॅशबॅक कार्डद्वारे हा फोन खरेदी करणाऱ्यांना पाच टक्के इंस्टंट डिस्काउंट मिळेल. याशिवाय ‘अ‍ॅमेझॉन पे ICICI बँक क्रेडिट कार्ड होल्डर्स’ना (प्राइम मेंबर्स)  पाच टक्के कॅशबॅक मिळेल. तर, नॉन-प्राइम मेंबर्सना 3 टक्के सवलत मिळू शकते. याशिवाय 565 रुपये दरमदा ईएमआयचा पर्यायही ग्राहकांना मिळेल. कंपनीने ग्लोबल मार्केटमध्ये Redmi Note 9 हा फोन एप्रिल महिन्यातच लाँच केला होता. पण ग्लोबल मार्केटमध्ये हा फोन 3 जीबी आणि 4 जीबी रॅम या दोनच पर्यायांमध्ये आला आहे. पण, भारतीय बाजारात हा फोन अपेक्षेप्रमाणे 6 जीबी रॅमच्या पर्यायासह आला आहे. कंपनीने Redmi Note 9 हा फोन तीन व्हेरिअंटमध्ये आणलाय. मागील बाजूला चार रिअर कॅमेऱ्यांच्या सेटअपसह होल-पंच डिझाइन असलेला हा फोन 4GB रॅम + 64GB स्टोरेज, 4GB रॅम + 128GB स्टोरेज आणि 6GB रॅम + 128GB स्टोरेज अशा तीन व्हेरिअंट्समध्ये भारतीय बाजारात आला आहे. अ‍ॅक्वा ग्रीन, आर्क्टिक व्हाइट आणि पेबल ग्रे अशा तीन कलरचे पर्याय या फोनसाठी आहेत.

Redmi Note 9 स्पेसिफिकेशन्स:-
ड्युअल-सिम रेडमी नोट 9 अँड्रॉइड 10 वर आधारित MIUI 11 वर कार्यरत आहे. यात 6.53 इंच फुल-एचडी+ (1,080×2,340 पिक्सल) आयपीएस डिस्प्लेसोबत कॉर्निंग गोरिल्ला ग्लास 5 प्रोटेक्शन आहे. फिंगरप्रिंट सेन्सर फीचर असलेल्या या फोनमध्ये मीडियाटेक हीलियो जी85 प्रोसेस असून 3 जीबी आणि 4 जीबी रॅमचे पर्याय आहेत. इनबिल्ट स्टोरेजसाठी 64 जीबी आणि 128 जीबी असे दोन पर्याय मिळतील. आवश्यकता असल्यास माइक्रोएसडी कार्डद्वारे स्टोरेज 128 जीबीपर्यंत वाढवता येणंही शक्य आहे. रेडमी नोट 9 सीरिजच्या अन्य फोनप्रमाणे यातही क्वॉड कॅमेरा सेटअप आहे. यात 48 मेगापिक्सलचा Samsung GM1 प्राइमरी सेन्सर, 8 मेगापिक्सलचा सेकंडरी कॅमेरा, 2 मेगापिक्सलचा डेप्थ कॅमेरा आणि 2 मेगापिक्सलचा मॅक्रो कॅमेरा आहे. तर सेल्फीसाठी 13 मेगापिक्सलचा कॅमेराही आहे. फास्ट चार्जिंग सपोर्टसह Redmi Note 9 मध्ये 5,020 एमएएच क्षमतेची दमदार बॅटरी आहे. तर कनेक्टिव्हिटीसाठी वाय-फाय, युएसबी टाइप-सी पोर्ट, ब्लूटूथ, 3.5 एमएम ऑडियो जॅक, एनएफसी, इन्फ्रारेड ब्लास्टर, जीपीएस आणि ए-जीपीएस यांसारख्या फीचर्सता समावेश आहे.

किंमत:-
Redmi Note 9 (4GB रॅम + 64GB स्टोरेज) –  11 हजार 999 रुपये

Redmi Note 9 (4GB रॅम + 128GB स्टोरेज) – 13हजार 999 रुपये

Redmi Note 9 (6GB रॅम + 128GB स्टोरेज) – 14 हजार 999 रुपये

First published on: 03-09-2020 at 11:49 IST
मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Redmi note 9 to go on sale in india via amazon check price specifications offers sas