दहावीचा पेपर सुरू असतानाच अल्पवयीन मुलीचा विवाह; दोनशे जणांविरुद्ध गुन्हा

पोलीस अधिकारी आणि स्थानिक यंत्रणा गावात दाखल होईपर्यंत बालविवाह उरकला होता. अधिकाऱ्यांना पाहून लग्नाच्या मांडवातून सर्वजण फरार झाले. या प्रकरणी नवरदेवासह त्याचे आई-वडील, चुलता, नवरीचे आई-वडील, दोघांचे मामा, मंडपवाले, छायाचित्रकार, लग्न लावणारे पंडित, आचारी या १३ मुख्य आरोपींसह २०० जणांविरुद्ध गुन्हा दाखल झाला आहे. या मुलीचा सोमवारी गणिताचा पेपर होता. मात्र तिला परीक्षेला जाऊ न देता तिचा विवाह लावण्यात आला.