मुंबईत धावत्या बेस्ट बसला आग, थरार कॅमेऱ्यात कैद

मुंबईतील गोरेगाव परिसरात आज सकाळी एका धावत्या बेस्ट बसला आग लागली. यामुळे एकच खळबळ माजली होती. गोरेगाव पूर्व येथील गोकुळधाम परिसरात बसने अचानक पेट घेतला होता. आग लागल्याने बस जळून खाक झाली. मात्र सुदैवाने कोणतीही जीवितहानी झाली नाही. आगीची माहिती मिळताच अग्निशमन दलाच्या दोन गाड्या घटनास्थळी दाखल झाल्या होत्या. मात्र आगीमुळे काही काळ वाहतूक ठप्प झाली होती.