बॉलिवूडमधील प्रसिद्ध चित्रपट निर्माते फिरोज नाडियादवाला यांच्या पत्नीला अंमलीपदार्थ नियंत्रण विभागानं (एनसीबी) रविवारी अटक केली. एनसीबीच्या मुंबई झोनचे संचालक समीर वानखेडे यांनी ही माहिती दिली आहे. सुशांतसिंह राजपूत मृत्यूप्रकरणातील ड्रग्ज अँगलची एनसीबीकडून कसून तपास केला जात आहे. याअतंर्गत अनेक बॉलिवूड अभिनेत्रींचीही चौकशी करण्यात आली आहे.
Summon issued to film producer Firoz Nadiadwala: Narcotics Control Bureau (NCB) #Mumbai https://t.co/sVIpyGtqry
— ANI (@ANI) November 8, 2020
बॉलिवूड अभिनेत्रींनंतर आता एनसीबीच्या टीमने बॉलिवूडचे अनेक दिग्दर्शक आणि निर्मात्यांच्या घरावर छापा टाकला. शनिवारी रात्री उशीरा छापेमारीच्या कारवाई दरम्यान बॉलिवूड निर्माते फिरोज नाडियादवाला यांच्या घरुन एनसीबीच्या टीमने काही प्रमाणात ड्रग्ज आढळून आले. त्यानंतर एनसीबी नाडियादवाला यांना समन्स पाठवण्याच्या तयारीत आहे.
एनसीबीने नाडियादवाला यांच्या घरातून १० ग्रॅम गांजा आढळून आला आहे. त्याचबरोबर एनसीबीच्या टीमने त्यांच्या घरातून फोनही जप्त केला आहे. ज्यावेळी एनसीबीने ही कारवाई केली त्यावेळी ते घरी उपस्थित नव्हते.