शरद पवार यांची प्रकृती स्थिर

केंद्रीय कृषिमंत्री शरद पवार यांना रविवारी कोल्हापूर येथील एका कार्यक्रमानंतर अस्वस्थ वाटू लागले. त्यामुळे तातडीने त्यांना हेलिकॉप्टरने पुण्यात हलविण्यात आले. डॉक्टरांनी मोदीबागेतील त्यांच्या निवासस्थानी तपासणी केली असून, त्यांची प्रकृती स्थिर आहे. त्यांना विश्रांतीचा सल्ला देण्यात आला आहे.  याबाबत डॉ. रवी बापट यांनी सांगितले की, पवार यांना काहीसा अशक्तपणा आला आहे. खोकला व कफचा त्रास आहे. एक दिवस विश्रांती घेऊन ते बाहेर पडू शकतील.