शिवाजी नगरात युवकाची हत्या

नाशिक : सोमवारी रात्री शहरात २० वर्षाच्या तरूणाची हत्या करण्यात आली. या प्रकरणी गंगापूर पोलीस ठाण्यात गुन्हा दाखल करण्यात आला आहे.
शहर परिसरात सोनसाखळी चोरी, घरफोडी, वाहन चोरी यासह टोळीयुध्द, वाहनांची तोडफोड, अशा विविध माध्यमातून गुन्हेगार पोलिसांना सातत्याने आव्हान देत आहेत. काही महिन्यांपासून हत्यांची मालिकाच शहरात सुरू आहे. सोमवारी रात्री सातपूर परिसरातील शिवाजी नगरात नसीम शहा (२०, रा. गुरूद्वारा रोड) हा दत्त मंदिर रस्त्याने जात असतांना टोळक्याने त्याला थांबवत विचारणा केली. बहिणीला प्रेमाविषयी विचारणा करतो का, असे खडसावत त्याला लाथाबुक्यांनी टोळक्याने मारहाण केली.