प्रसिद्ध उद्योगपतींची सून आहे भन्साळींची भाची; ५३,८०० कोटींच्या संपत्तीचे मालक आहेत शर्मीन सेगलचे सासरे

संजय लीला भन्साळी यांच्या 'हीरामंडी' या वेब सीरिजमधील एक अभिनेत्री तिच्या अभिनयासाठी सातत्याने ट्रोल होत आहे. मुख्य सहा अभिनेत्रींपैकी एक असलेल्या या अभिनेत्रीचं नाव शर्मीन सेगल आहे. शर्मीन सेगल ही सीरिजचे दिग्दर्शक संजय लीला भन्साळींची भाची आहे. शर्मीन संजय यांची बहीण बेला सेगल यांची मुलगी आहे. २८ सप्टेंबर १९९५ रोजी जन्मलेली शर्मीन २८ वर्षांची आहे. तिचे वडील दीपक सेगल सध्या ऍप्लॉज एंटरटेनमेंट या आघाडीच्या प्रॉडक्शन हाऊसचे कंटेंट हेड आहेत. तिची आई बेला फिल्म एडिटर आहे. त्यांनी खामोशी, देवदास आणि ब्लॅक सारख्या भन्साळींच्या अनेक प्रोजेक्ट्समध्ये काम केलं आहे. शर्मीन सेगल विवाहित आहे. तिने सहा महिन्यांपूर्वी लग्न केलं. शर्मीनने नोव्हेंबर २०२३ मध्ये एका भव्य समारंभात उद्योगपती अमन मेहताशी लग्न केलं. अमन हा बिझनेस टायकून समीर मेहता यांचा मुलगा आहे. समीर आणि त्यांचे भाऊ सुधीर मेहता टोरेंट ग्रुपचे प्रमुख आहेत. मेहता ब्रदर्सचं साम्राज्य फार्मा, पॉवर, गॅस आणि डायग्नोस्टिक्स क्षेत्रात पसरलं आहे. ब्लूमबर्ग बिलेनियर्स इंडेक्सनुसार, २०२४ पर्यंत समीर मेहता यांची एकूण संपत्ती तब्बल ६.४४ बिलियन डॉलर्स म्हणजे ५३,८०० कोटी रुपये आहे. टोरेंट फार्मास्युटिकल्स ही मेहता ब्रदर्सची मुख्य कंपनी आहे. फोर्ब्सनुसार ही कंपनी ३५ हजार कोटींचा महसूल जनरेट करते. शर्मीनने वयाच्या १८ व्या वर्षी तिच्या मामांची असिस्टंट म्हणून गोलियों की रासलीला राम-लीलामध्ये काम केलं होतं. शर्मीनने मेरी कॉम, बाजीराव मस्तानी आणि गंगूबाई काठियावाडी या तीन चित्रपटांमध्ये सहाय्यक म्हणून काम केलं. तिने २०१९ मध्ये आलेल्या 'मलाल' चित्रपटातून अभिनेत्री म्हणून पदार्पण केले. त्यानंतर ती २०२२ मध्ये रिलीज झालेल्या अतिथी भूतो भवमध्ये दिसली होती. हीरामंडी ही तिची पहिली वेब सीरिज आहे. (सर्व फोटो शर्मीन सेगल इन्स्टाग्राम)