-
हिरव्या भाज्या केवळ आरोग्यासाठीच नव्हे, तर अनेक गंभीर आजारांशी लढण्यासाठीही मदत करतात. त्यामुळेच भारतीय आहारात अनेक विविध प्रकारच्या हिरव्या भाज्यांचाही समावेश केला जातो. (फोटो सौजन्य: Freepik)
-
गवार ही त्यातलीच एक भाजी आहे. गवारीच्या भाजीचं नाव जरी ऐकलं तरी अनेक जण नाक-तोंड मुरडतात. पण, तुम्हाला ठाऊक आहे का गवारीची भाजी खाण्याचे खूप चमत्कारी फायदे आहेत. (फोटो सौजन्य: Freepik)
-
गवारीची भाजी हा फायबरचा उत्कृष्ट स्रोत आहे. तसेच ही भाजी ए, बी, सी व के ही जीवनसत्त्वं भरपूर प्रमाणात प्रदान करते. त्यात कॅल्शियम, आयर्न व पोटॅशियम हे उपयुक्त घटकदेखील आढळतात. (फोटो सौजन्य: Freepik)
-
गवारीची भाजी आपल्या रक्तातील साखरेचं प्रमाण नियंत्रित ठेवण्यास मदत करते. गवार भाजीच्या सेवनानं रक्तातील साखरेच्या पातळीत झपाट्यानं चढ-उतार होत नाही. (फोटो सौजन्य: Freepik)
-
गवारीच्या भाजीमध्ये कॅल्शियम मोठ्या प्रमाणात आढळते. त्यामुळे हाडं मजबूत होण्यास मदत होते. तसेच या भाजीच्या सेवनानं हाडांचं नुकसान होण्यापासून संरक्षण होतं. (फोटो सौजन्य: Freepik)
-
गवारीची भाजी शरीरातील खराब कोलेस्ट्रॉलची पातळी कमी करून हृदयाला निरोगी ठेवते. या भाजीमध्ये भरपूर प्रमाणात फायबर, पोटॅशियम असल्यामुळे हृदयाच्या अनेक समस्यांपासून बचाव होतो. (फोटो सौजन्य: Freepik)
-
गवारीच्या भाजीचे सेवन मासिक पाळीमध्ये खूप फायदेशीर आहे. मासिक पाळीमध्ये होणारा त्रास यामुळे काही प्रमाणात कमी होऊ शकतो. (फोटो सौजन्य: Freepik)
-
गवारीच्या भाजीमुळे हायपोग्लायसेमिक गुणधर्म असतात; जे चिंता आणि तणाव कमी करण्यास मदत करतात. गवारीच्या भाजीमुळे व्यक्तीला मानसिक शांती मिळण्यास मदत होते. (फोटो सौजन्य: Freepik)
