How to create your WhatsApp channel: WhatsApp ने नुकतेच भारतात आपले व्हॉट्सअॅप चॅनल्स फीचर्स लाँच करण्याची घोषणा केली आहे. Meta ने भारतासह १५० हून अधिक देशांमध्ये WhatsApp Channel फीचर लाँच केले आहे. मेटा प्रमुख मार्क झुकरबर्गने एका पोस्टमध्ये ही माहिती दिली आहे. या नवीन फिचरमुळे वापरकर्त्यांना त्यांच्या आवडत्या कंटेंट क्रिएटर्स, बिझनेस आणि सेलिब्रिटींद्वारा तयार करण्यात आलेले चॅनल शोधता येणार आहे. या नवीन अपडेट्समुळे आपल्या हव्या असणाऱ्या जगभरातील माहिती सहज मिळण्यास शक्य होईल. आता या फीचरचा वापर कसा करता येईल हे जाणून घेऊया.
WhatsApp चॅनेल फिचर्स हे कसं काम करत?
चॅनल वैशिष्ट्य इंस्टाग्रामच्या चॅनेल वैशिष्ट्याप्रमाणेच कार्य करते ज्यामध्ये प्रशासक त्यांच्या फॉलोअर्ससाठी फोटो, व्हिडिओ, इमोजी, व्हॉइस-नोट्स इत्यादी पोस्ट करू शकतात. चॅनेलमध्ये सामील होण्यासाठी तुम्हाला प्रथम ते शोधावे लागेल. चॅनेलमधील अॅडमिन आणि फॉलोअर्सचे तपशील एकमेकांना दिसत नाहीत आणि लोक त्याद्वारे त्यांच्या आवडत्या निर्मात्याशी किंवा व्यक्तीशी सहजपणे कनेक्ट होऊ शकतात.
सध्या चॅनल फीचर नवीन आहे. कंपनी आगामी काळात अनेक अपडेट्स आणणार आहे. प्रशासक लवकरच त्यांच्या चॅनेलमधील पोस्ट ३० दिवसांच्या आत संपादित करू शकतील. यानंतर ते व्हॉट्सअॅप सर्व्हरवरून हटवले जाईल. याशिवाय, जर अॅडमिनने चॅनलची कोणतीही पोस्ट ग्रुप किंवा चॅटमध्ये शेअर केली, तर समोरच्या व्यक्तीला चॅनलमध्ये सामील होण्याचा पर्याय (लिंक बॅक) मिळेल. याद्वारे वापरकर्त्याला त्या विषयाची अधिक माहिती मिळू शकते.
(हे ही वाचा : आता चॅटिंग होणार आणखी सुरक्षित; वापरकर्त्यांसाठी WhatsApp आणणार ‘हे’ फिचर, जाणून घ्या )
WhatsApp चॅनेल फिचर्सचा ‘असा’ करा वापर
- कोणत्याही चॅनेलमध्ये सामील होण्यासाठी, प्रथम तुमचे अॅप अपडेट करा.
- आता अॅपवर या आणि ‘अपडेट्स’ टॅबवर जा, येथे स्टेटसच्या खाली तुम्हाला वेगवेगळे चॅनेल दिसतील.
- तुम्ही तुमच्या आवडीनुसार कोणत्याही चॅनेलमध्ये सहभागी होऊ शकता. जर तुम्ही अजून चॅनल फीचर पाहू शकत नसाल तर तुम्हाला थोडी प्रतीक्षा करावी लागेल.
WhatsApp चॅनेल कसे तयार करावे?
- सर्वात अगोदर Whatsaap वेब उघडा आणि अपडेट्स टॅबवर जा.
- चॅनेल आयकॉनवर क्लिक करून चॅनेलवर जा.
- Get Started वर क्लिक करा.
- त्यानंतर देण्यात आलेल निर्देशांचे पालन करा.
- तुमचे चॅनल तयार करणे पूर्ण करण्यासाठी चॅनेलचे नाव टाका.
- तुम्ही कधीही नाव बदलू शकणार आहात. तसेच तुम्ही डिस्क्रिप्शन आणि आयकॉन टाकून तुमचे चॅनल कस्टमाइज करू शकता किंवा ते तुम्ही नंतरदेखील करू शकता.
हे लक्षात घेण्यासारखे आहे की व्हॉट्सअॅप चॅनेल आणण्याच्या प्रक्रियेत आहे, परंतु सध्या ते प्रत्येकासाठी उपलब्ध नाही. ज्यांना प्रवेश आहे त्यांच्यासाठी, मेटा-मालकीचे प्लॅटफॉर्म नवीन कार्यक्षमता सादर करत आहे. काही वैशिष्ट्ये, जसे की चॅनेल निर्मिती, यावेळी काही वापरकर्त्यांसाठी उपलब्ध नसू शकतात. तुम्ही व्हॉट्सअॅप बिझनेस अॅपद्वारे चॅनेलमध्ये प्रवेश देखील करू शकता. सुरुवातीला भारतात इंडियन क्रिकेट टीम, कॅटरीना कैफ, दिलजीत दोसांझ, अक्षय कुमार, विजय देवेरकोंडा आणि नेहा कक्कर असे चॅनल्स असणार आहेत.
