करोना विषाणूचा सामना करण्यासाठी घोषित करण्यात आलेल्या लॉकडाउन काळात सर्व खेळाडू या काळात आपल्या घरात राहून परिवारासोबत वेळ घालवण्याचा प्रयत्न करत आहेत. ऑस्ट्रेलियाचा सलामीवीर डेव्हिड वॉर्नर गेल्या काही दिवसांमध्ये टिकटॉकवर भारतीय सिनेमांमधली गाणी, डायलॉगवर व्हिडीओ बनवून सोशल मीडियावर अपलोड करत आहे. बॉलिवूडचा प्रसिद्ध अभिनेता अक्षय कुमार याच्या हाऊसफूल ४ सिनेमातील बाला या गाण्यावर वॉर्नरने डान्स करत व्हिडीओ सोशल मीडियावर टाकला आहे.
महत्वाची गोष्ट म्हणजे अक्षय कुमारने वॉर्नरच्या व्हिडीओवर आपली प्रतिक्रीया देत, तुला जमलंय…असं म्हटलंय. वॉर्नरने काही दिवसांपूर्वी बाहुबली सिनेमातला संवादावर एक व्हिडीओ बनवत टिकटॉकवर अपलोड केला आहे. याआधीही वॉर्नरने तेलगू सिनेमातील गाण्यावर डान्सचा व्हिडीओ अपलोड केला होता. वॉर्नच्या या प्रयत्नांना सोशल मीडियावर नेटकरी चांगलाच प्रतिसाद देत आहेत.