शाहरुख-आलिया भट्टच्या ‘डिअर जिंदगी’बद्दल काय म्हणाले प्रेक्षक

बॉलिवूड आणि चित्रपट रसिकांमध्ये गेल्या काही काळापासून ‘डिअर जिंदगी’ या चित्रपटाबद्दल उत्सुकतेचे वातावरण पाहायला मिळत होते. हीच उत्सुकता आणि या चित्रपटाप्रती असलेल्या कुतुहलाच्या वातावरणामध्ये ‘डिअर जिंदगी’ हा चित्रपट प्रदर्शित झाला आहे. शाहरुख खान आणि अलिया भट्ट यांच्या महत्त्वाच्या भूमिका असणऱ्या या चित्रपटाकडून प्रेक्षक आणि समीक्षकांनाही फार अपेक्षा होत्या. समीक्षकांनी या चित्रपटाला संमिश्र प्रतिसाद दिला असला तरीही प्रेक्षकांच्या मनावर मात्र या चित्रपटाने चांगलीच छाप पाडली आहे.