नाशिकमध्ये बिबट्याचा पुन्हा दोघांवर हल्ला

टाळेबंदीत सायंकाळनंतर होणारी शांतता वन्य प्राण्यांना शहराकडे घेऊन येत आहे. शुक्रवारी शहरातील कॉलेजरोड परिसरात महिलेवर बिबट्याने हल्ला केल्यानंतर दुसऱ्या दिवशी म्हणजे शनिवारी पहाटे इंदिरानगर भागात पुन्हा दोघांवर हल्ला केला. राजसारथी सोसायटीत ही घटना घडली. निवासी भागात शिरलेल्या बिबट्यामुळे नागरिकांमध्ये घबराट पसरली आहे.