मुख्यमंत्र्यांच्या कार्यक्रमाला खुर्च्या रिकाम्याच; अखेर प्रशिक्षणार्थी महिला पोलिसांना केलं पाचारण
महाराष्ट्रातील नऊ उड्डाणपुलांचा लोकार्पण सोहळा केंद्रीय रस्ते वाहतूक व महामार्ग मंत्री नितीन गडकरी आणि मुख्यमंत्री एकनाथ शिंदे, पालकमंत्री चंद्रकांत पाटील यांच्या उपस्थितीत पुण्यातील शिवाजीनगर येथील पोलीस मैदानावर कार्यक्रम पार पडला. नितीन गडकरी हे कार्यक्रमास ऑनलाईन सहभागी झाले होते. त्याचबरोबर कार्यक्रमाच्या ठिकाणी भव्य मंडपदेखील उभारण्यात आला होता. एक हजार नागरिकांची आसन व्यवस्था करण्यात आली होती. पण साडेतीन वाजण्याच्या सुमारास रिमझिम पावसाने हजेरी लावण्यास सुरुवात केली.त्यामुळे शहरातील नागरिकांनी कार्यक्रमाकडे पाठ फिरवली. यामुळे आयोजकांना प्रशिक्षणार्थी महिला पोलिस कर्मचाऱ्यांना कार्यक्रमाच्या ठिकाणी बोलवण्याची वेळ आली.
