Ajit Pawar: “काळजी करू नका…”; शिरूर, मावळ मतदारसंघाबद्दल अजित पवारांचं सूचक विधान

शिरूर, भिवंडी आणि जालना या तीन लोकसभा मतदार संघाची आढावा बैठक राष्ट्रवादी काँग्रेस पक्षाचे सर्वेसर्वा शरद पवार यांच्या अध्यक्षतेखाली पुण्यातील निसर्ग मंगल कार्यालय येथे पार पडत आहे. या बैठकीला प्रदेशाध्यक्ष जयंत पाटील, विरोधी पक्षनेते अजित पवार,खासदार सुनील तटकरे, खासदार अमोल कोल्हे यांच्यासह आजी माजी पदाधिकारी उपस्थित आहेत. मागील काही दिवसांपासून अमोल कोल्हे हे भाजपात जाणार अशी चर्चा होती. त्यामुळे नव्या कार्यकर्त्यांला शिरूरमधून संधी दिली जाईल अशी चर्चा होती. पण आज अमोल कोल्हे यांनी बैठकीला उपस्थिती लावली. त्याच दरम्यान राष्ट्रवादी काँग्रेस पक्षाचे नेते अजित पवार यांनी प्रसार माध्यमांच्या प्रतिनिधीसह संवाद साधला.