Ajit Pawar: ‘विचारांची लढाई विचारांनी करुयात’; शरद पवारांना आलेल्या धमकीवर अजित पवारांची प्रतिक्रिया

राष्ट्रवादी काँग्रेसचे अध्यक्ष शरद पवार यांना जीवे मारण्याची धमकी देण्यात आल्याची माहिती समोर आली. यासंदर्भात राष्ट्रवादी काँग्रेसच्या खासदार आणि शरद पवार यांच्या कन्या सुप्रिया सुळे यांनी मुंबई पोलीस आयुक्तांची भेट घेऊन त्यांच्याकडे तक्रार दाखल केली. यानंतर राष्ट्रवादी नेते आणि विरोधी पक्षनेते अजित पवार यांनी प्रतिक्रिया दिलीये. “सोशल मीडियाद्वारे बदनामी करण्याचा प्रयत्न सुरू असून संबंधित धमकी देणाऱ्या व्यक्तिच्या बायोमध्ये भाजपा कार्यकर्ता लिहिलं आहे. विचारांची लढाई विचारांनी करुयात” असं अजित पवार म्हणाले.