उपमुख्यमंत्री म्हणून अजित पवार नव्या मंत्र्यांसह पहिल्यांदाच मंत्रालयात!; पाहा नेमकं झालं काय?

उपमुख्यमंत्रीपदाची शपथ घेतल्यानंतर अजित पवार मंगळवारी (४ जुलै) पहिल्यांदाच मंत्रालयात आले होते. उपमुख्यमंत्री अजित पवार यांनी मंत्रालयात आल्यानंतर सर्वप्रथम मंत्रालयाच्या तळमजल्यावरील छत्रपती शिवाजी महाराज, राजमाता जिजाऊ, महात्मा ज्योतिबा फुले, क्रांतिज्योती सावित्रीबाई फुले, भारतरत्न डॉ. बाबासाहेब आंबेडकर या महामानवांच्या प्रतीमेस पुष्पहार अर्पण करून अभिवादन केलं. यावेळी त्यांच्याबरोबर मंत्री छगन भुजबळ, मंत्री दिलीप वळसे पाटील, मंत्री हसन मुश्रीफ, मंत्री धनंजय मुंडे, मंत्री अदिती तटकरे, मंत्री संजय बनसोडे, मंत्री अनिल पाटील आदी मान्यवर उपस्थित होते.