Sanjay Raut: “गृहमंत्र्यांना उत्तर द्यायला तोंड उरलंय का?”, ठाणे गोळीबार प्रकरणावरून राऊतांची टीका

भाजपा आमदार गणपत गायकवाड यांनी शिंदे गटाचे नेते महेश गायकवाड यांच्यावर गोळीबार केला. उल्हासनगर येथील हिललाइन पोलीस स्टेशनमध्येच हा प्रकार घडला. या घटनेत महेश गायकवाड जखमी झाले आहेत त्यांना ठाण्यातल्या ज्युपिटर रुग्णालयात दाखल करण्यात आलं आहे. एका वृत्तवाहिनीशी चर्चा करताना गणपत गायकवाड यांनी मुख्यमंत्री एकनाथ शिंदेंमुळे मी गोळीबार केला असं म्हटलं आहे. तसंच मुख्यमंत्री एकनाथ शिंदे भाजपाशी गद्दारी करणार आहेत, ते गुन्हेगारी वाढवत आहेत असंही त्यांनी म्हटलं आहे. यावरुन संजय राऊत यांनी आता फडणवीस यांच्याकडे या प्रकरणी काही उत्तर आहे का? असा सवाल केला आहे.