Uddhav Thackeray: ठाकरे गटाला निवडणूक आयोगाची नोटीस, मोदी-शाहांचे ‘ते’ व्हिडीओ दाखवत ठाकरेंचा सवाल!

लोकसभा निवडणुकांची रणधुमाळी जोरात सुरू असताना दुसरीकडे उद्धव ठाकरे गटाला निवडणूक आयोगानं नोटीस पाठवली आहे. ठाकरे गटानं गेल्या आठवड्यात लाँच केलेल्या प्रचारगीतामधील काही शब्दांवर निवडणूक आयोगानं आक्षेप घेतला असून ते शब्द गाण्यातून काढून टाकण्याचे निर्देश आयोगानं दिले आहेत. यासंदर्भात आज दुपारी घेतलेल्या पत्रकार परिषदेत उद्धव ठाकरेंनी निवडणूक आयोगासह पंतप्रधान नरेंद्र मोदी व केंद्रीय गृहमंत्री अमित शाह यांच्यावर परखड शब्दांत टीका केली. तसेच, यावेळी त्यांनी मोदी व शाहांचे दोन व्हिडीओही पत्रकार परिषदेत दाखवले.