नवरात्रीच्या पहिल्याच दिवशी तुळजापूरहुन ज्योत घेऊन येणाऱ्या भाविकांच्या गाडीवर काळाचा घाला

Navratri First Day Accident Tuljapur: नवरात्रीच्या पहिल्याच दिवशी एक दुःखद घटना घडल्याचे समजतेय. तुळजापूरहुन ज्योत घेऊन येत असताना भाविकांच्या गाडीवर काळाचा घाला घातला गेला असून यामध्ये दोघे जागीच ठार झाले. तसेच सहा जण गंभीर जखमी झाले आहेत. तुळजापूरहुन मंगळवेढा तालुक्यातील गोणेवाडीकडे जाताना कामती येथे रस्त्याच्या कडेला असणाऱ्या खड्ड्यात चारचाकी पिकअप वाहन पलटी झाले. या अपघातात प्रदीप क्षीरसागर आणि नेताजी कराळे हे दोघे जागीच ठार झाले आहेत. तर बाकीचे सहा जण आहेत गंभीर जखमी झाले आहेत. जखमींना उपचारासाठी जवळच्या शासकीय रुग्णालयात नेलं आहे. याबाबत माहिती कळताच कामती पोलीस घटनास्थळी दाखल झाले आहेत. देवींची ज्योती घेऊन परतत असताना काळाचा घाला झाल्याने सर्वत्र हळहळ व्यक्त केली जातेय.