Maharashtra Elections Results: महायुती विजयाच्या उंबरठ्यावर! मुख्यमंत्री कोण शिंदे की फडणवीस?

Winner Candidate List Maharashtra Vidhan Sabha Election Result: महाराष्ट्र विधानसभा निवडणुकीच्या निमित्ताने गेल्या सहा महिन्यांपासून राजकीय वर्तुळात वातावरण तापल्याचं पाहायला मिळालं होतं. महाविकास आघाडी व महायुती यांच्यात थेट झालेल्या लढतीमध्ये कोण जिंकून येणार? कुणाची पीछेहाट होणार? यावरून मोठी उत्सुकता निर्माण झाली होती. विशेषत: सत्ताधारी व विरोधी अशा दोन्ही बाजूंना शिवसेना व राष्ट्रवादी काँग्रेस या पक्षांमधील विभक्त झालेले गट असल्यामुळे यावेळच्या निकालांबाबत कमालीची उत्सुकता निर्माण झाली होती. आता अंतिम निकाल समोर येऊ लागले आहेत परिणामी आता मुख्यमंत्री पदावरून नव्याने रस्सीखेच सुरु आहे.