Sanjay Raut-Raj Thackeray: देवेंद्र फडणवीसांनी राज ठाकरेंबाबत मांडलेल्या भूमिकेवर राऊतांची टीका

Sanjay Raut on Raj Thackeray: मुख्यमंत्री देवेंद्र फडणवीस यांनी शपथ घेतल्यानंतर विविध वृत्तवाहिन्यांना मुलाखती देत आहेत. नुकतीच त्यांनी सह्याद्री वाहिनीला मुलाखत दिली. त्यात त्यांना राज ठाकरेंबाबत प्रश्न विचारण्यात आला होता. राज ठाकरेंनी लोकसभेला महायुतीला पाठिंबा दिला होता. मात्र विधानसभा निवडणुकीत राज ठाकरेंना महायुतीत घेण्यात आले नाही. यापुढे राज ठाकरेंना बरोबर घेतले जाईल का? असा प्रश्न त्यांना विचारण्यात आला होता. या प्रश्नावर उत्तर देताना देवेंद्र फडणवीस यांनी भविष्यात स्थानिक स्वराज संस्थाच्या निवडणुकीत राज ठाकरेंच्या मनसेला बरबोर घेण्याचा प्रयत्न करू, असे म्हटले होते. यावर आता संजय राऊत यांनी खोचक टीका केली आहे. राज ठाकरे हे भाजपाच्या हातातील खेळणे झाले आहेत, असे संजय राऊत म्हणाले.