“डोनाल्ड ट्रम्प यांची मध्यस्थी का? युद्धाविषयी मोदी सरकारने कच खाल्ली?”, ओवैसी, राऊतांचे प्रश्न

Donald Trump Post Criticized By Indian Political Leaders: भारत आणि पाकिस्तान यांच्या संघर्ष सुरु असतानाच डोनाल्ड ट्रम्प यांच्या माध्यस्थीने शस्त्रविराम झाला. यानंतर डोनाल्ड ट्रम्प यांनी पोस्ट लिहिली आहे. या पोस्टमध्ये त्यांनी भारत आणि पाकिस्तान या दोन्ही देशांमध्ये शस्त्रविराम झाल्याचं म्हटलं होतं. त्यानंतर भारतीय परराष्ट्र सचिवांनी पत्रकार परिषद घेत ही माहिती दिली होती. आता भारत आणि पाकिस्तान यांच्यातला काश्मीर प्रश्न सोडवण्यासाठी पुढाकार घेणार असल्याचं डोनाल्ड ट्रम्प यांनी म्हटलं आहे. मात्र शस्त्रविरामाच्या बाबत घोषणा ही आपल्या पंतप्रधानांनी म्हणजेच मोदींनी करायला हवी होती ती ट्रम्प यांनी करण्याची गरज काय असा प्रश्न संजय राऊत, प्रकाश आंबेडकर, असदुद्दीन ओवैसी यांनी केला आहे.