स्पाइसजेटच्या मुंबईतील उड्डाणांच्या वक्तशीरपणात सुधार

किफायती हवाई सेवा प्रदाता कंपनी स्पाइसजेटने आर्थिक आघाडीवरील समस्यांवर मात करतानाच, आपल्या सेवा गुणवत्तेत उत्तरोत्तर सुधार केला आहे. काही महिन्यांपर्यंत उड्डाणे विलंबाने होणे व रद्द होणे अशा समस्या असलेल्या तिच्या सेवेची सध्याची उड्डाण कामगिरीही सुधारली आहे. मुंबई आंतरराष्ट्रीय विमानतळ (मियाल) कडून प्राप्त आकडेवारीनुसार स्पाइसजेट येथील विमानतळावरील वेळेत उड्डाणांची मात्रा (ओटीपी) गुणांक सरलेल्या सप्टेंबरमध्ये उत्तरोत्तर उंचावत ८५ टक्क्य़ांवर पोहोचला आहे. कधी काळी वक्तशीरपणासाठी आघाडीवर असलेल्या स्पाइसजेटने ही प्रवाशांना वेळेत उड्डाणाची हमी आणि त्याचे पालन न झाल्यास आर्थिक भरपाई देणारी अनोखी योजना सुरू केली होती.