गोव्यात काल (दि.२७) मध्यरात्री मोठ्या राजकीय घडामोडी घडल्या. यामध्ये महाराष्ट्रवादी गोमंतक पक्ष (मगोप) विसर्जित करण्यात आला आणि त्याचे भाजपात विलिनिकरण झाले. मगोपचे आमदार मनोहर आजगांवकर आणि दिपक पावस्कर यांनी गोवा विधानसभा अध्यक्षांना एक पत्र लिहून मगोपचे भाजपात विलिनिकरण करीत असल्याची घोषणा केली. मात्र, पक्षाचे तिसरे आमदार सुदिन ढवळीकर यांनी या विलिनीकरणाच्या प्रस्तावावर सही केली नाही. ढवळीकर हे सध्या भाजपाच्या नेतृत्वाखालील गोवा सरकारमध्ये उपमुख्यमंत्री आहेत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in


३६ सदस्यांच्या गोव्याच्या विधानसभेत १४ सदस्य हे भाजपाचे आहेत. दरम्यान, राज्यात मगोपचे एकूण तीन आमदार आहेत आणि आम्ही दोन तृतीयांश सदस्य आहोत, असे आजगांवकर आणि पावस्कर यांनी पक्ष विसर्जित करताना म्हटले आहे. त्यानुसार, मंगळवारी मध्यरात्री १.४५ वाजता विधानसभा अध्यक्ष मायकल लोबो यांच्याकडे त्यांनी मगोपच्या विलिनीकरणाचे पत्र सोपवले. त्यानंतर आज (दि.२७) दुपारी १२ वाजता भाजपात दाखल झालेल्या या दोन्ही आमदारांचा शपथविधी होणार आहे.

मध्यरात्री घडलेल्या या मोठ्या राजकीय घडामोडीनंतर ३६ आमदारांच्या गोवा विधानसभेत आता भाजपाच्या आमदारांची संख्या १२ वरुन १४ झाली आहे. त्यामुळे भाजपाच्या आमदारांची संख्या काँग्रेस आमदारांच्या इतकी झाली आहे. मगोप २०१२ पासून भाजपाचा सहकारी पक्ष होता.

पक्षांतर बंदी कायद्यानुसार, पक्षाच्या कमीत कमी दोन तृतीयांश आमदारांनी जर एकाच वेळी पक्ष सोडला तर त्यांचे विधानसभा सदस्यत्व रद्द होत नाही. तर त्यांना एक विशेष गट म्हणून मान्यता दिली जाऊ शकते.

First published on: 27-03-2019 at 08:15 IST
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Government drama in goa mgp murge in bjp