कोल्हापूर: मुलगी झाली हो ! कोल्हापुरात हत्तीवरून मिरवणूक काढून आनंदोत्सव

हेही वाचा >>> कोल्हापूर: तुरबत नासधूस प्रकरणातील आरोपींच्या अटकेसाठी पन्हाळा बंदला प्रतिसाद; पर्यटन थंडावले

अलीकडे त्यामध्ये बदल होत असला तरी ही प्रवृत्ती पूर्णतः बदललेली नाही. तर दुसरीकडे मुलगी जन्माला आले की तिचे स्वागत केले जात आहे. कोल्हापूर लगत असलेल्या पाचगाव येथील पाटील कुटुंबीयांनी असेच आपल्या घरातील कन्येचे वाजत गाजत स्वागत केले. पुणे येथे आयटी क्षेत्रामध्ये सेवा करत असलेली गिरीश पाटील – सुधा यांना पहिली मुलगी जन्माला आली. २५ वर्षे घरात मुलगी नसल्याने ती जन्माला येण्याचा आनंद काही वेगळाच होता. तिचे इरा हे नाव ठेवण्यात आले. कन्या जन्माचे जंगी स्वागत करण्याचा निर्णय कुटुंबीयांनी घेतला. ढोल ताशाचा गजर, सजवलेला रथ, सुशोभित हत्ती यावरून इराची मिरवणूक काढण्यात आली. नातेवाईक, शेजारी यांना निमंत्रित करून जोरदार स्वागत समारंभ करण्यात आला. मुलीच्या जन्माचे असे वेगळ्या पद्धतीने स्वागत केल्याने त्याचे समाजातून स्वागत करण्यात येत आहे.