वरिष्ठ नेमबाजी स्पर्धा : तेजस्विनी मुळेला चार पदके

नवी दिल्लीत पार पडलेल्या १३व्या कुमार सुरेंद्रसिंग स्मृती नेमबाजी अजिंक्यपद स्पर्धेत आंतरराष्ट्रीय नेमबाज तेजस्विनी मुळे हिने १ सुवर्ण, १ रौप्य, २ कांस्य अशी ४ पदकांची कमाई केली. ५० मीटर स्पोर्ट रायफल प्रोन या नेमबाजी प्रकारात तेजस्विनीने ६०० पैकी ५८८ गुणांसह कांस्यपदक मिळविले. वेदांगी तुळजापूरकर व प्रियल केणी (मुंबई) यांच्या मदतीने महाराष्ट्राला सांघिक रौप्यपदक मिळवून दिले.