डीटीएच सेवा पुरवणारी देशातील आघाडीची कंपनी टाटा स्कायने आपल्या ग्राहकांसाठी एक खास ऑफर आणली आहे. टाटा स्कायने आपल्या सहा सेवांच्या दरांमध्ये 50 टक्क्यांची कपात केली आहे.
कंपनीने या ऑफरला ‘डबल धमाका’ असं नाव दिलंय. ट्विटरद्वारे टाटा स्कायने या ऑफरबाबत माहिती दिली. 26 जुलै ते 2 ऑगस्ट या कालावधीत या ऑफरचा फायदा घेता येईल असं कंपनीने स्पष्ट केलं आहे.
Are your kids saying they are B-O-R-E-D? You know they are. Well, not anymore. We’re offering 50% OFF along with double zeetos on select services for your kids to continue their learning and fun at home. pic.twitter.com/SpdIYo2vvI
— Tata Sky (@TataSky) July 26, 2020
या ऑफरअंतर्गत Tata Sky Smart Games आणि Dance Studio चे दर 50 टक्क्यांनी कमी केले आहेत. या ऑफरमध्ये ग्राहकांना डबल ‘जीतोस’ (Zeetos)कमावण्याची संधी आहे, असंही कंपनीने ट्विटमध्ये म्हटलंय. Tata Sky Zeetos हा एक लॉयल्टी प्रोग्राम आहे असून जीतोस पॉइंट्स रीडिम करुन लहान मुलांसाठी रिमोट कंट्रोल इलेक्ट्रॉनिक हेलिकॉप्टर, हॉटव्हील कार्स, बार्बी डॉल अशी खेळणी खरेदी करता येतील. टाटा स्कायची डबल धमाका ऑफर Tata Sky Smart Games, Fun Learn, Dance Studio, English, Vedic Maths आणि Fitness या सहा सेवांसाठी लागू असणार आहे. ऑफरनुसार, या सहा सेवा दोन ऑगस्टपर्यंत 30 रुपये प्रति महिना दराने उपलब्ध असतील. सामान्यपणे कंपनी या सेवांसाठी प्रति महिना 60 रुपये आकारते.