मुख्याध्यापकाला शिक्षकाची मारहाणह्ण

मोहाडी तालुक्यातील खमारीतील जिल्हा परिषद पूर्व माध्यमिक शाळेचे सहायक शिक्षक जी.आर. हलमारे यांनी मुख्याध्यापक बंसोड यांनी हजेरीपटावर स्वाक्षरी करू देण्यास नकार दिला म्हणून बंसोड यांना मारहाण केली.
हे शिक्षक हलमारे दारूच्या नशेत झिंगलेले होते, मुख्याध्यापक बंसोड यांनी मोहाडी पोलिसात तक्रार नोंदविली आहे. हलमारे प्रार्थनेनंतर शाळेत आले. त्यामुळे बंसोड यांनी त्यांना हजेरीपटावर स्वाक्षरी करण्यास मनाई केली. हलमारे मुख्याध्यापकावर धावून गेले व मारहाण केली. घटनेची माहिती कळताच विस्तार अधिकारी शंकर राठोड व गणवीर यांनी शाळेत जाऊन घटनेची चौकशी केली. शिक्षकांचे बयाण घेतले. त्यांच्या निलंबनाचा प्रस्ताव शिक्षणाधिकाऱ्यांकडे सादर करण्यात आला आहे.