चॅम्पियन ट्रॉफीच्या विजयी जल्लोषावेळी दोन गटात वाद, पोलीसांचा लाठीमार

भारताने न्यूझीलंडवर मात केल्यानंतर विजय साजरा करण्यासाठी मिरजेतील लक्ष्मी मार्केट परिसरात मोठ्या संख्येने तरुण एकवटले होते. याचवेळी दुसरा गट देखील त्या ठिकाणी आला. दोन्ही गट आमने-सामने आल्यानंतर दोन्ही गटाकडून जोरदार घोषणाबाजी सुरू झाली. यावेळी भारताचा विजय साजरा करणाऱ्या तरुणांनी पाकिस्तान विरोधात घोषणाबाजी केली. यावेळी तणावाचे वातावरण निर्माण झाले.

पोलिसांनी दोन्ही गटाला हुसकावून लावण्याचा प्रयत्न केला. परंतु दोन्ही गटाकडून जल्लोष साजरा करण्यात येत होता. यावेळी कोणताही अनुचित प्रकार घडू नये यासाठी पोलिसांनी लाठीमार करत दोन्ही गटाला पांगवले.