Aapla Manus First Look: ‘हा सैतान बाटलीत मावनार नाय’

मुसळधार पावसात नाना बाईक चालवताना या पोस्टरमध्ये दिसत आहेत. त्यांची भेदक नजर यामध्ये विशेष लक्ष वेधून घेते. त्यासोबतच पोस्टरवरील ‘हा सैतान बाटलीत मावनात नाय’ ही टॅगलाइन नानांच्या भूमिकेविषयी उत्सुकता वाढवत आहे. नवऱ्याच्या वडिलांसोबत राहणाऱ्या, शहरी जीवनशैलीच्या दबावाचा सामना करणाऱ्या आणि नातेसंबंधांची गुंतागुंत हाताळणाऱ्या एका तरुण दाम्पत्याची कथा या चित्रपटातून मांडण्यात आली आहे.

नानांसोबतच सुमीत राघवन, इरावती हर्षे यांच्याही चित्रपटात महत्त्वपूर्ण भूमिका आहेत. विशेष म्हणजे बॉलिवूड अभिनेता अजय देवगण यामध्ये पाहुण्या कलाकाराच्या भुमिकेत पाहायला मिळणार आहे. हा चित्रपट ९ फेब्रुवारी रोजी प्रदर्शत होणार आहे.