‘क्रिश ३’ला अमिताभ यांचा आवाज

दिग्दर्शक राकेश रोशन यांच्या विनंतीमुळे बॉलीवूड शेहनशहा अमिताभ बच्चन ‘क्रीश ३’ चित्रपटासाठी त्यांचा आवाज देणार आहेत. ‘क्रिश ३’ हा ‘कोइ मिल गया’ चित्रपटाचा तिसरा भाग आहे.
“पहाटे सात वाजता उठलो आणि ‘क्रिश ३’ च्या डबिंगसाठी गेलो. प्रसिद्ध निर्माता-दिग्दर्शक आणि हृतिकचे पिता राकेश रोशन यांनी त्यांच्या चित्रपटाला आवाज देण्याकरिता विचारले होते. त्यासाठी मी होकार दिला आणि आता हे काम झाले,” असे अमिताभ यांनी त्यांच्या ब्लॉगमध्ये लिहले आहे. याचसोबत अमिताभ ‘कौन बनेगा करोडपती’च्या सातव्या पर्वाचे सूत्रसंचालन करणार आहेत.
‘क्रिश ३’मध्ये हृतिकसोबत विवेक ऑबरॉय, प्रियांका चोप्रा आणि कंगना रणावत यांच्याही भूमिका आहेत.