मालिका, नाटक, चित्रपट आणि वेबसीरिज अशा सर्वच क्षेत्रात काम केलेला अभिनेता म्हणून जितेंद्र जोशीला ओळखले जाते. त्याने मराठीप्रमाणेच हिंदी कलाविश्वातही अढळ स्थान निर्माण केले आहे. जितेंद्र जोशीचा फार मोठा चाहतावर्ग आहे. नुकतंच जितेंद्र जोशीने एका किस्सा सांगितला आहे.
जितेंद्र जोशीने नुकतंच इन्स्टाग्रामवर एक पोस्ट शेअर केली आहे. या पोस्टमध्ये त्याने एका व्यक्तीला चांगलेच खडे बोल सुनावल्याचे पाहायला मिळत आहे. त्याची ही पोस्ट सध्या व्हायरल होत आहे.
आणखी वाचा : “राज ठाकरेंच्या घरी गेलो तेव्हा…”, कोकण हार्टेड गर्लने सांगितला ‘तो’ किस्सा, म्हणाली “ते मुख्यमंत्री…”
जितेंद्र जोशीची पोस्ट
नो एण्ट्री मधून येणाऱ्या तरुणाला मी हटकले. त्यावर तो चल जा म्हणाला.
मी – का येतो आहेस नो एण्ट्री मधून?
तो – कामावर जायला उशीर झालाय?
मी – सुशिक्षित आहेस ना?
तो – शिवी का देतो?
मी – शिवी नाही मी सुशिक्षित म्हणालो?
तो – म्हणजे काय?
मी – म्हणजे तू वागतो आहेस ते?
तो – पण तुला काय फरक पडतो?
मी – कारण मी नागरिक आहे?
तो – म्हणजे? नागरिक म्हणजे?
मी – तू आणि मी
तो – संसदेत जाऊन सांग?
मी हसू लागतो त्या कंपनीवर ज्याने याला कामावर ठेवलाय, माझ्या स्वत:वर आणि गाडी काढतो… तो नो एण्ट्रीमधून तसाच पुढे जात राहतो, असे जितेंद्र जोशीने म्हटले आहे.
आणखी वाचा : “…म्हणून मी बाजूला झाले”, ‘महाराष्ट्राची हास्यजत्रा’मध्ये परतण्याबद्दल विशाखा सुभेदार यांचं स्पष्ट वक्तव्य
दरम्यान जितेंद्र जोशीने केलेली ही पोस्ट सध्या व्हायरल होत आहे. त्याने ही पोस्ट कशाबद्दल आणि कोणाबद्दल केली आहे, याबद्दल कोणतीही माहिती समोर आलेली नाही. तो काही दिवसांपूर्वी ‘गोदावरी’ या चित्रपटात झळकला होता. या चित्रपटाने राष्ट्रीय-आंतरराष्ट्रीय महोत्सवांमध्ये स्थान मिळवलं होतं. या चित्रपटात जितेंद्र जोशीने प्रमुख भूमिका साकारली होती.