‘बिग बॉस मराठी ३’ फेम जय दुधाणे सोशल मीडियावर खूप चर्चेत असतो. तो एमटीव्ही वरील अतिशय लोकप्रिय कार्यक्रम ‘स्प्लिट्सविला’मध्येही झळकला होता. जय सोशल मीडिया एन्फ्लुएन्सर सिमरन बावाला डेट करत असल्याच्या चर्चा आहेत. तो मागच्या काही वर्षांपासून सिमरनला डेट करत असल्याचं म्हटलं जातं, पण तो आतापर्यंत कधीच त्याबद्दल बोललेला नाही.
अलीकडेच जय दुधाणने इन्स्टाग्रामवर त्याच्या चाहत्यांसाठी ‘आस्क द क्वेश्चन’ हे सेशन ठेवलं होतं. त्यात त्याने त्याचे चाहते कोणतेही प्रश्न विचारू शकतात, असं म्हटलं होतं. तसेच चाहत्यांनी विचारलेल्या प्रश्नांची जयने उत्तरंही दिली. एका चाहत्याने जयला त्याच्या वैयक्तिक आयुष्याबद्दल विचारले आणि गूगल सिमरन बावाला त्याची गर्लफ्रेंड का दाखवते, असा प्रश्न विचारला. त्यावर जयने उत्तर दिलं.
युजरने विचारले, “सिमरन बावा तुझी गर्लफ्रेंड असल्याचे गुगल का दाखवते? खऱ्या आयुष्यात तर ती संजय पांडेला डेट करत आहे.” जयने त्याच्या चाहत्याच्या प्रश्नावर प्रतिक्रिया दिली आणि त्याला “Whattt??? Like whaaatttt??? ती संजय पांडेला डेट करत आहे??? संजय पांडे, हे पाहावं लागेल ब्रो..सिमरन बावा” असं उत्तर दिलं.
दरम्यान, जय दुधाणे लवकरच महेश मांजरेकरांच्या ‘वेडात मराठे वीर दौडले सात’ या सिनेमात दिसणार आहे. त्याचप्रमाणे जयचा ‘गडद अंधार’ हा चित्रपट देखील रिलीज झाला आहे.