महाराष्ट्रात कर्नाटक प्रारूप राबविण्याचा काँग्रेसचा प्रयत्न, राज्यस्तरीय मेळाव्यातून निवडणुकीची तयारी

कर्नाटक निवडणुकीत काँग्रेसला मिळलेल्या  यशामुळे महाराष्ट्रातील काँग्रेस पक्षात उत्साह संचारला आहे. काँग्रेसला विजयाकडे घेऊन जाणारे हे प्रारूप महाराष्ट्रातही राबविण्याचे पक्षाने ठरविले आहे. दादर येथील टिळक भवनात बुधवारी काँग्रेसच्या अल्पसंख्याक विभागाच्या पदाधिकाऱ्यांचा मेळावा घेण्यात आला. या मेळाव्यात प्रामुख्याने कर्नाटक विधानसभा निवडणुकीतील विजयाची व अल्पसंख्याक समाजाने पक्षाला दिलेली साथ याची चर्चा करण्यात आली.