कुतूहल : ऑन दि ओरिजिन ऑफ स्पिसीज..

इ.स. १८५६ सालच्या एप्रिल महिन्यात डार्विनने आपला सिद्धांत प्रसिद्ध करण्यासाठी ‘नॅचरल सिलेक्शन’ या नावाचे पुस्तक लिहिण्यास सुरुवात केली. या पुस्तकाचे लिखाण चालू असतानाच, इ.स. १८५८ सालच्या मध्यावर त्याला एक पत्र आले. हे पत्र डार्वनिच्या थोडय़ा फार संपर्कात असणाऱ्या, आल्फ्रेड वॉलेस या मलाय बेटांवर संशोधन करणाऱ्या, एका इंग्लिश संशोधकाचे होते. त्यात त्याने काहीशा अशाच सिद्धांताचा उल्लेख होता. आता मोठा प्रश्न आला होता तो शोधाच्या श्रेयाचा! चार्ल्स डार्विन याने आपल्या सिद्धांतावर आतापर्यंत प्रचंड काम केले होते. त्यामुळे त्याचा सिद्धांतही प्रकाशित होणे गरजेचे होते. यावर उपाय म्हणून चार्ल्स डार्वनि आणि आल्फ्रेड वॉलेस या दोघांच्या सिद्धांतांच्या संक्षिप्त अहवालाचे वाचन लंडनच्या लिनियन सोसायटीच्या सभेत संयुक्तरीत्या करण्याचे ठरले. त्यानुसार दिनांक १ जुलै १८५८ रोजी लिनियन सोसायटीच्या सभेत दोन्ही अहवाल सादर केले गेले. त्यानंतर अखेर २२ नोव्हेंबर १८५९ रोजी, कालांतराने ऐतिहासिक ठरलेले डार्वनिचे हे पुस्तक ‘ऑन दि ओरिजिन ऑफ स्पिसीज बाय मीन्स ऑफ नॅचरल सिलेक्शन’ या शीर्षकाखाली प्रसिद्ध झाले.

– डॉ. नंदिनी नेरुरकर-देशमुख

मराठी विज्ञान परिषद, वि. ना. पुरव मार्ग,  चुनाभट्टी,  मुंबई २२ office@mavipamumbai.org