पालघर पोलिसांकडून मालमत्ते संदर्भातील तीन गुन्ह्यांचा उकल

हेही वाचा >>> श्रमजीवी सत्याग्रहातील कोंडी फुटेना; सुमारे आठ हजार नागरिकांचा सहाव्या दिवशी जिल्हाधिकारी कार्यालयासमोर ठिय्या

या गुन्ह्यामध्ये एक आरोपी पोलिसांनी मे २०२३ मध्ये अटक केली असली तरीही कानाराम चौधरी हा आरोपी फरार होता. स्थानिक गुन्हे शाखेचे नव्याने पदभार सांभाळाने प्रदीप पाटील व सहकाऱ्यांनी सुमारे दीड वर्ष फरार असणाऱ्या आरोपीला इंदोर येथे ताब्यात घेऊन सुमारे १७ लाख ७१ हजार रुपयांचा सोन्याचे दागिने व रोख रक्कम हस्तगत केली आहे. या प्रकरणातील ३९ तक्रारींचे निवारण झाले असून इतर प्रकरणात दागिन्यांची मूळ किंमत याची समेट घालण्याचे काम सुरू असल्याची माहिती पालघरचे पोलीस अधीक्षक बाळासाहेब पाटील यांनी पत्रकारांना दिली.

हेही वाचा >>> वस्त्रोद्योग प्रकल्पासाठी भूमिहिनांच्या जमिनीवर नांगर ?

२४ सप्टेंबर रोजी पालघर येथील हॉटेल साई रेसिडेन्सी परिसरात घरफोडी करून सुमारे २१ हजार रुपये किमतीची सोन्याची गंठण व रोख रक्कम चोरी करणाऱ्या भिवंडी येथील रहिवासी असणाऱ्या एका सराईत गुन्हेगाराला पालघर पोलीसांनी जुचंद्र येथून अटक केली आहे. त्याच्याकडून मुद्देमाल हस्तगत करण्यात आला असून हा गुन्हेगार इतर १७ मालमत्त्यांच्या गुन्ह्यामध्ये सहभागी असल्याची पोलिसां समोर कबुली दिली आहे. २८ सप्टेंबर रोजी पालघर येथे झालेल्या अन्य एका गुन्हा मध्ये पालघर बायपास मार्गावर इन्स्टाकार्ट सर्विसेस प्रायव्हेट लिमिटेड या कार्यालयात चोरी करून २० मोबाईल, पावर बॅंक असे सुमारे पाच लाख १६ हजार रुपयांच्या मोबाईल व संबंधित इतर वस्तू चोरी करणाऱ्या एका आरोपीला पालघर तालुक्यातील बिरवाडी येथून अटक केली आहे. या आरोपींनी चोरलेले मोबाईल हँडसेट, पावर बँक जमिनीत लपवून ठेवल्याचे माहिती मिळाल्यानंतर मुद्देमाल हस्तगत करण्यात आल्याची माहिती पोलिसांनी पत्रकार परिषदेत दिली.