ऐश्वर्याला घेऊन अभिषेकची ‘लाँग ड्राईव्ह’…

'सरबजीत'च्या प्रीमियरवेळी अभिषेक बच्चन आणि ऐश्वर्या यांच्यात दुरावा दिसून आल्याने दोघांमध्ये काहीतरी बिनसले असल्याचे वृत्त माध्यमांमध्ये झळकले होते. बॉलीवूडमध्ये सध्या ब्रेकअपचा सिलसिला सुरू असताना आता ऐश्वर्या आणि अभिषेक देखील वेगळे होणार की काय, अशी चर्चा सुरू झाली होती. पण मंगळवारी रात्री या सर्व चर्चांना पूर्णविराम मिळाला. मंगळवारी रात्री अभिषेक ऐश्वर्याला लाँग ड्राईव्हसाठी घेऊन गेला होता. यावेळी छायाचित्रकरांनी या दोघांना कॅमेरात कैद केले. दोघांनीही मंगळवारी रात्री नाऊटआऊटची मजा लुटली आणि एकमेकांसोबत चांगला वेळ घालवला.अभिषेक-ऐश्वर्याच्या या लाँग ड्राईव्हमुळे दोघांचे बिनसले असल्याच्या चर्चेला आता पूर्णविराम मिळाला आहे.