Birthday Special: महेश बाबूची संपत्ती ऐकून व्हाल थक्क; कोट्यावधी रुपयांच्या गाड्यांसह आलिशान घराचा आहे मालक

दाक्षिणात्य सुपरस्टार महेश बाबूचा आज वाढदिवस आहे. महेश बाबूचे फक्त साउशमध्येच नाही तर देशभरात चाहते आहेत. महेश बाबूने बाल कलाकार म्हणून अभिनय क्षेत्रात पाऊल टाकलं होतं. आपल्या अभिनयाच्या जादूने महेशने प्रेक्षकांची मनं जिंकली आहेत.. आपल्या सिनेमांमधून प्रेक्षकांची पसंती मिळवत महेश बाबूने आज यशाचं शिखर गाठलं आहे. प्रसिद्धीसोबतच आज महेश बाबूकडे करोडो रुपयांची संपत्ती आहे. caknowledge.com च्या वृत्तानुसार महेश बाबू १३४ कोटी रुपयांच्या संपत्तीचा मालक आहे. २०२१ सालामध्ये त्याची नेट वर्थ १८मिलियन डॉलर इतकी आहे. महेश बाबू एका महिन्यात १ कोटींपेक्षा जास्त कमावतो. तर वर्षाला १२ कोटींहून अधिक त्याची कमाई आहे. हैदराबादमधील उच्चभ्रू भागात महेश बाबूचं घर आहे. महेश बाबूच्या आलिशान घराची किंमत २८ कोटी इतकी आहे. तर काही दिवसांपूर्वीच त्याने बंगळूरमध्ये देखील नवी प्रापर्टी खरेदी केलीय. महेश बाबूला लक्झरी आणि महागड्या गाड्यांची आवड आहे. महेश बाबूकडे अनेक महागड्या गाड्या आहेत यात २ कोटी रुपयांची रेंज रोव्हर, दीड कोटींची टोयाटा लॅण्ड क्रूझर तसचं BMW730 ही सव्वा कोटींची गाडी आहे. यासोबतच महेश बाबूकडे दोन मर्सिडिस बेन्झ आणि एक ऑडी या गाड्यादेखील आहेत.महेश बाबूकडे स्वत:ची वॅनिटी व्हॅन आहे. या व्हॅनची किंमत ६ कोटी इतकी आहे. सिंगापूरमधील वॅक्स म्युझियममध्ये महेश बाबूचा मेणाचा पुतळा आहे.