दोन वेळा घटस्फोट ते पूर्वश्रमीच्या पतीचे गंभीर आरोप, ‘या’ वादग्रस्त कारणांनी चर्चेत राहिली श्वेता तिवारी

प्रसिद्ध टीव्ही अभिनेत्री श्वेता तिवारी सध्या तिच्या वादग्रस्त विधानामुळे चर्चेत आहे.आपल्या आगामी वेबसीरिजच्या प्रमोशन सोहळ्यात मस्करीच्या सूरात केलेलं एक विधान आता श्वेतासाठी डोकेदुखी ठरत आहे.श्वेतानं या कार्यक्रमात, 'माझ्या 'ब्रा'चं माप देव घेत आहे' असं विधान केल्यानंतर राजकीय वर्तुळातही याबाबत उलट- सुलट चर्चा रंगली आहे.पण अशाप्रकारे वादग्रस्त कारणांनी चर्चेत येण्याची श्वेता तिवारीची ही पहिलीच वेळ नाही. याआधीही वेगवेगळ्या वादग्रस्त कारणांनी ती चर्चेत राहिली आहे.आपल्या खासगी आयुष्यामुळे श्वेता नेहमीच चर्चेत राहिली आहे. तिनं २००९ मध्ये पहिला पती राजा चौधरीपासून घटस्फोट घेतला. त्यावेळी श्वेतानं राजावर कौटुंबिक हिंसाचाराचे आरोप केले होते.राजा चौधरीपासून वेगळं झाल्यानंतर श्वेतानं २०१३ साली अभिनव कोहलीशी लग्न केलं पण तिचं हे लग्न फार काळ टिकलं नाही. २०१९ मध्ये दोघंही कायदेशीररित्या वेगळे झाले.पण या काळात श्वेता आणि अभिनव यांनी एकमेकांवर बरेच गंभीर आरोप केले होते. श्वेतानं अभिनवच्या विरोधात पोलीस ठाण्यात तक्रारही दाखल केली होती.'अभिनव माझी मुलगी पलकशी चांगला वागत नाही' असा आरोपही श्वेतानं त्याच्यावर केला होता. अभिनवच्या विरोधातही श्वेतानं कौटुंबिक हिंसाचाराची तक्रार दाखल केली होती.याशिवाय अभिनव कोहलीनं देखील श्वेता तिवारीवर अनेक गंभीर आरोप केले होते. ज्याची सोशल मीडियावर बरीच चर्चा रंगली होती.श्वेता तिवारी आपल्याला मुलगा रेयांशला भेटू देत नाही. तसेच तिने आपल्याला मारहाण केल्याचा आरोप अभिनवनं केला होता.मागच्या वर्षीच जेव्हा श्वेता 'खतरों के खिलाडी'मध्ये सहभागी झाली होती. त्यावेळीही सोशल मीडियावर पोस्ट शेअर करत श्वेता आपल्या मुलाला एकट्याला हॉटेलमध्ये सोडून गेल्याचा आरोप अभिनवनं केला होता.दरम्यान श्वेता तिवारी तिच्या अभिनय कारकिर्दीपेक्षा खासगी आयुष्यातील वादांमुळेच सर्वाधिक चर्चेत राहिली आहे. (फोटो- श्वेता तिवारी इन्स्टाग्राम)