“आमच्या हनिमूनवर…”, अखेर सोनाली कुलकर्णीने शेअर केले नवऱ्यासोबतचे खास फोटो

मराठी चित्रपटसृष्टीची ‘अप्सरा’ अर्थातच अभिनेत्री सोनाली कुलकर्णी ही नेहमीच काही ना काही कारणांमुळे चर्चेत असते. अभिनेत्री सोनाली कुलकर्णी ही अवघ्या एका आठवड्यापूर्वी विवाहबंधनात अडकली. तिने तिचा पती कुणाल बेनोडेकर पुन्हा लगीनगाठ बांधली. सध्या सोनाली ही तिच्या पतीसोबत छान वेळ घालवताना दिसत आहे. सोनाली आणि कुणाल हे दोघेही मॅक्सिकोमध्ये हनिमून एन्जॉय करताना दिसत आहेत. सोनालीने नवऱ्यासोबतचे काही खास फोटो शेअर केले आहेत. हे फोटो शेअर करताना 'आमच्या हनिमूनवर…', असे कॅप्शन तिने दिले आहे. दरम्यान काही दिवसांपूर्वी एका चाहतीने 'तू तुझ्या नवऱ्यासोबत फोटो का शेअर करत नाहीस?? आम्हाला त्यालाही बघायला आवडेल', असा प्रश्न विचारला आहे. त्यावर सोनालीनेही त्या चाहतीला टॅग करत 'लवकरच' असे म्हटले होते. चाहतीच्या या प्रश्नानंतर सोनालीने लगेचच कुणालसोबतचे फोटो शेअर केले आहेत. सोनालीने शेअर केलेले या फोटोला अनेक चाहत्यांनी लाइक्स आणि कमेंट केल्या आहेत. तसेच अनेकांनी त्यावर ती 'सुंदर', 'छान' दिसत असल्याचेही म्हटले आहे.