Photos : “टॅलेंट नाही, तर चमचेगिरी करणाऱ्यांना मिळतं काम”, अभिनेत्री राणी चॅटर्जीचा संताप

भोजपुरी अभिनेत्री राणी चॅटर्जीने भोजपुरी चित्रपट सृष्टीविषयी मोठं वक्तव्य केलंय. राणी चॅटर्जी सोशल मीडिवर सक्रीय असते. या व्हिडीओला कॅप्शन देताना राणी चॅटर्जीने भोजपुरी चित्रपट सृष्टीवर आपला संताप व्यक्त केला. राणी चॅटर्जी म्हणाली, "सोनेरी काळ, हा तो काळ होता जेव्हा हुशार लोकांना काम दिलं जात होतं. चित्रपटातील गाणी नेहमीच सुंदर बनवली जायची." "आम्ही भोजपुरी चित्रपटांना चित्रपटगृहांपर्यंत पोहचवलं. मात्र, आता चित्रपटगृहातून यूट्यूबवर चित्रपट नेण्यासाठी प्रयत्न होत आहेत," असा आरोप राणी चॅटर्जीने केला. "आता हा काळ येणार नाही. कारण आता काम करणाऱ्यांना महत्त्व नाही, तर चमचेगिरी करणाऱ्यांना अधिक महत्त्व आहे," असा आरोपही राणीने केला. लोक सध्या कंटेंट खूप चांगला येतोय असं म्हणत असले तरी दर्शक चित्रपटगृहात चित्रपट पाहायला येत नसतील तर तो कंटेंट काय कामाचा? असा सवालही राणीने उपस्थित केला. राणी चॅटर्जीच्या या पोस्टवर चाहत्यांच्या अनेक प्रतिक्रिया येत आहेत. यात अनेकजण तिचं कौतुक करताना दिसत आहेत. राणी चॅटर्जी भोजपुरी इंडस्ट्रीतील बेधडक नाव आहे. आपली मतं सार्वजनिकपणे व्यक्त करण्यासाठी तिची ओळख आहे. राणी तिच्या अभिनयासोबतच डान्ससाठी देखील ओळखली जाते. राणी चॅटर्जी आपल्या फिटनेसवर बरीच मेहनत घेताना दिसते. राणी चॅटर्जी नेहमी तिच्या व्यायामाचे फोटो इंस्टाग्रामवर शेअर करत असते. या फोटोवर चाहत्यांच्या प्रशंसेसोबतच तिला ट्रोलर्सच्या टीकेचाही सामना करावा लागतो. मात्र, राणी ट्रोलर्सला सडेतोड उत्तर देते. राणी चॅटर्जी भोजपुरी इंडस्ट्रीमधील महागड्या अभिनेत्रींपैकी एक आहे. तिने २००४ मध्ये आपल्या चित्रपट सृष्टीतील करियरला सुरुवात केली आणि नंतर अनेक चित्रपटांमध्ये काम केलंय. (सर्व फोटो सौजन्य - राणी चॅटर्जी इंस्टाग्राम)