बाथटबमध्ये बसून अंकिता लोखंडेचं फोटोशूट, पाहा फोटो

'पवित्र रिश्ता' या लोकप्रिय़ ठरलेल्या मालिकेतून घराघरात पोहचलेली अभिनेत्री अंकिता लोखंडे तिच्या लूक्समुळे कायम चर्चेत असते. अंकिता सोशल मीडियावरही चांगलीच सक्रिय आहे. अंकिता कधी कुटुंबियांसोबत, कधी मित्र मैत्रीणींसोबत तर कधी पतीसोबतचे फोटो आणि व्हिडीओ शेअर करत असते. त्यातसोबत वेगवेगळ्या लूक आणि कपड्यांमधील फोटोशूटचे खास फोटोही ती सोशल मीडियावर शेअर करत असते. नुकतच अंकिताने बाथरुममध्ये एक फोटोशूट केलंय. या फोटोशूटचे फोटो तिने इन्स्टाग्राम अकाऊंटवर शेअर केले आहेत. अंकिताने निळ्या रंगाच्या डेनिमवर निळं टॉप आणि निळ्या रंगाचं जॅकेट परिधान केलंय. तिने शिमरी हाय हिल्स घातल्या आहेत. अंकिताने घड्याळ किंवा कोणतीही ज्वेलरी घातलेली नाही. शिवाय मेकअपही साधा केला आहे. अंकिताने टबबाथमध्ये बसून काही फोटो काढले आहेत. संपूर्ण पांढऱ्या रंगाचं इंटेरियर असलेल्या बाथरुममध्ये अंकिताने हे फोटोशूट केलंय या फोटोंमध्ये अंकिता खूपच सुंदर दिसतेय. बॉर्न विथ गुड जिन्स' असं हटके कॅप्शन तिने या फोटोंना दिलं आहे.