Photos : टेलिफोन बूथ ऑपरेटर ते कोट्यधीश अभिनेता; जाणून घ्या सुपरस्टार विजय सेतुपतीच्या प्रवासाबद्दल

दाक्षिणात्य चित्रपटसृष्टीचा प्रसिद्ध अभिनेता विजय सेतुपतीचा ४५ वा वाढदिवस आहे. सोशल मीडियाच्या माध्यमातून चाहते त्याच्यावर शुभेच्छांचा वर्षाव करत आहेत. लवकरच विजय सेतुपती शाहिद कपूरबरोबर 'फर्जी' या नव्या वेबसीरिजमध्ये झळकणार आहे. नुकताच याचा ट्रेलर प्रदर्शित झाला असून प्रेक्षकांनी याला उत्तम प्रतिसाद दिला आहे. विजयला अभिनयाची लहानपणापासूनच आवड होती, पण केवळ ऊंची आणि चेहेऱ्यामुळे त्याला या क्षेत्रात संधी मिळत नव्हती. अभिनय क्षेत्रात येण्याआधी पोट भरण्यासाठी विजयने रिटेल स्टोअर्स तसेच फास्ट फूडच्या दुकानातही काम केलं. इतकंच नव्हे तर विजय सेतुपतीने एका टेलिफोन बूथवर ऑपरेटरची नोकरीदेखील केली. २०१० च्या 'थेनमुर्क परुवाकाटरू' या चित्रपटातून विजय सेतुपतीला मोठा ब्रेक मिळाला आणि मग त्याने मागे वळून पाहिलं नाही. दाक्षिणात्य चित्रपटसृष्टीत विजयने स्वतःचं स्थान निर्माण केलं आहे. त्याच्या बऱ्याच चित्रपटांचे रिमेक बॉलिवूडमध्ये झाले आहेत. नुकtतंच त्याने कमल हासन, फहाद फाजीलबरोबर 'विक्रम' या चित्रपटात काम केलं. लोकांनी हा चित्रपट आणि विजयचं काम डोक्यावर घेतलं. विजय सेतुपतीची संपत्ती ही तब्बल ११० कोटी इतकी आहे. याबरोबरच त्याने लेखन आणि निर्मिती क्षेत्रातही नशीब आजमावलं आहे. (फोटो सौजन्य : इंडियन एक्सप्रेस)