सूरांच्या महाराणीने लाल साडीमध्ये गाजवला सूर आणि सुंदरतेचा फड

सुप्रसिद्ध गायिका श्रेया घोषालने सोशल मीडियावर कॉन्सर्टमधला खास लूक शेअर केला आहे. लता मंगेशकर यांची उपमा मिळणाऱ्या श्रेया घोषाल म्हणजे बॉलीवूड इंडस्ट्रीमधील एक प्रसिद्ध व्यक्तिमत्त्व आहे. 'सा रे ग म' या हिंदी कार्यक्रमातून तिला ओळख मिळाली. श्रेयाचे पहिले गाणे 'देवदास' या हिंदी सिनेमामधले होते. 'डोला रे डोला' असे त्या गाण्याचे नाव असून, या गाण्यासाठी श्रेयाला पुरस्कृतही करण्यात आले होते. त्यानंतर श्रेयाला संधी मिळत गेली आणि तिने पुन्हा कधीही मागे वळून पाहिले नाही. आज श्रेया सुप्रसिद्ध गायिका म्हणून ओळखली जाते. श्रेयाने या लूकसाठी लाल रंगाची डिझायनर साडी परिधान केली आहे. या फोटोमध्ये श्रेयाने गॉगल्स घातल्यामुळे ती लेडी बॉससारखी वाटत आहे. या फोटोमध्ये श्रेया कॅसिओवर गाणे गाताना दिसत आहे. साडीच्या मधोमध असलेली पानांची डिझाईन लक्ष वेधून घेणारी आहे. तसेच, तिने साडीवर परिधान केलेले चमकणाऱे कानातले आणि हातातील कडे यांमुळे श्रेयाचा लूक वेगळ्याच रीतीने उजळला आहे.